İsrail hərbçiləri İranın paytaxtı Tehranda hərbi obyektlərə zərbələr endirib.
Bu barədə məlumat İsrail Müdafiə Qüvvələrinin Telegram kanalında yer alıb.
İsrailin İrana hücumu nüvə və neft obyektləri ilə deyil, hərbi hədəflərlə məhdudlaşıb.
Tehran ərazisində bir neçə güclü partlayış səsi eşidilib.
Tehrandan əlavə, hava hücumu səsləri və güclü partlayış səsləri ölkənin bir sıra başqa şəhərlərində də eşidilib və şahidlər Suriyanın Dəməşq və Homs şəhərlərində də partlayışların baş verdiyini bildirirlər. Bəzi KİV-lər İsrailin bu hücumunun ABŞ-la koordinasiya edildiyini iddia edir.
Oktyabrın 1-də İran İsrailə güclü raket hücumu həyata keçirmişdi. O vaxtdan İsrail ordusunun cavab zərbələri gözlənilən idi.
İsrail Müdafiə Qüvvələri İrandakı hədəfləri vurduqlarını təsdiqləyib. İsrail ordusunun rəsmi bəyanatında deyilir: “İran rejiminin İsrail dövlətinə qarşı aylarla davam edən hücumlarına cavab olaraq, İsrail ordusu İrandakı hərbi hədəflərə hədəfli zərbələr endirib. İsrail oktyabrın 7-dən bu yana “İran ərazisindən birbaşa hücumlar olunub. Suveren ölkəsi kimi İsrail Dövlətinin də cavab vermək hüququ və öhdəliyi var.”
İsrail ordusu İrana hücumun başa çatdığını açıqlayıb. Bu barədə məlumat İsrail Ordusunun Telegram kanalında yer alıb. Təyyarələrin sağ-salamat İsrailə qayıtdığı qeyd edilir.
