Gecə ərzində İsrail Hərbi Hava Qüvvələri Tehranda hədəflərə bir sıra zərbələr endirib.
Azpost.info bildirir ki, bu barədə İsrail Müdafiə Qüvvələrinin (İMQ) mətbuat xidməti məlumat yayıb.
“Ballistik raket sisteminə məxsus infrastruktur vurulub. Vurulan hədəflər arasında ballistik raketləri saxlamaq üçün istifadə etdiyi yeraltı obyekt və raket saxlama yerləri də var.
Bundan əlavə, hava qüvvələri İsrail dövləti və onun mülki əhalisi üçün real və dərhal təhlükə yaradan bir neçə uzaqmənzilli ballistik raket buraxılış məntəqəsini vurub”, – deyə bəyanatda bildirilir.
