Kəlbəcərdə mina partlaması nəticəsində həlak olan Azərbaycan Dövlət İnformasiya Agentliyinin (AZƏRTAC) əməkdaşı Məhərrəm İbrahimovun nəşi Bakıya gətirilib.
Onun nəşi yaşadığı evə aparılıb.
Mərhumun cənazəsini yaxınları və qonşularından ibarət böyük izdiham qarşılayıb.
Şəhid jurnalist Məhərrəm İbrahimovun qardaşı Əsgər İbrahimovun verdiyi məlumata görə, M.İbrahimov sabah saat 11:00-da Müşfiqabad qəsəbəsində ata və anasının dəfn olduğu qəbiristanlıqda dəfn ediləcək.(APA)
