“Kaş Ermənistanla sərhədlər açılaydı” –Türkiyə ermənilərinin patriarxı Sahak Maşalyan

“Cənab Rəcəb Tayyib Ərdoğan Türkiyə tarixində həm baş nazir, həm də Prezident kimi bu hadisələrlə bağlı başsağlığı verən yeganə dövlət xadimidir. Həmin başsağlığı mesajlarında bizim acımızı paylaşan bir rüh və sürgün illərində həyatını itirən xalqımızın övladlarının xatirəsinə hörmət nəzərə çarpır. Hesab edirik ki, bu mesajları gələcəkdə münasibətlərin normallaşmasına zəmin yaradan təsirli addımlar kimi dəyərləndirmək lazımdır”.

Bunu Türkiyə ermənilərinin patriarxı Sahak Maşalyan deyib.

1915-ci il hadisələri ilə bağlı açıqlama yayan din patriarx Qarabağ münaqişəsinə də toxunub: “Kaş onun (Rəcəb Tayyib Ərdoğanı nəzərdə tutur – red) təklif etdiyi tarixçilərdən ibarət birgə komissiya yaradılaydı. Belə olsaydı, ən azı 15 illik yol qət edilərdi. Kaş Ermənistanla Türkiyə arasında anlaşma protokolları həyata keçiriləydi və sərhədlər açılaydı. O zaman Qarabağ münaqişəsinin həlli də başqa cür olardı.

Fikrimizcə, hələ də gec deyil. Cənab prezidentimizin Cənubi Qafqazda əməkdaşlıq üçün təklif etdiyi altıtərəfli əməkdaşlıq formatı sülhün təmin olunması layihəsidir və bölgə xalqlarının yüz illik probleminin sülhlə nəticələnməsinə gətirib çıxara bilər”. (Report)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Araz üzərində su bəndlərinin təhlükəsizliyi Azərbaycana həvalə edilib –

Sonrakı məqalə

Hikmət Hacıyev və Ukrayna Prezidenti Ofisinin rəhbərinin müavini məsləhətləşmələr aparıb