Saqqal kişilər tərəfindən cinsin digər nümayəndələri ilə ünsiyyət zamanı dominantlıq faktoru kimi qəbul edilir.
Azpost.info bildirir ki, bu barədə Polşanın Sileziya Universitetinin alimləri müəyyən ediblər.
Araşdırmanın nəticələri “Archives of Sexual Behavior” jurnalında dərc olunub. “Biz kişilərin nə üçün üzdə tükə üstünlük verdiklərini araşdırdıq. Bunun onların sosial vəziyyətlərindən asılı olub-olmadığını öyrənməyə çalışdıq. Bunun üçün saqqal saxlayan 500-dən çox kişi ilə sorğu apardıq “-deyə alimlər qeyd ediblər.
Məlum olub ki, saqqal saxlayan həmin kişilər bunu qadınların gözündə onların seksuallığını artıran amil hesab edirlər. Saqqalsız kişilər də üzündəki tüklərin olmamasını daha cəlbedici sayıblar.
“Hər iki qrupdakı iştirakçılar növlərarası rəqabət kontekstində öz əhəmiyyətini artırmaq üçün unikal olmaq istəyirlər. Saqqal saxlamağı daha seksual hesab edənlər digər kişilərdə üz tüklərinin daha az olmasını arzu ediblər. Üzünü qırxmağa üstünlük verənlər isə başqa kişiləri daha çox saqqallı görmək istərdilər. Əminik ki, kişilər beləcə başqalarının fonunda fərqlənmək istəyirlər “-deyə müəlliflər qeyd ediblər.
Sosial vəziyyətlərə gəldikdə, kişilər qeyri-rəsmi vəziyyətlər üçün saqqal saxlamağı daha uyğun görürlər.
“Biz inanırıq ki, bu yolla kişilər cəmiyyətdəki mövqelərini müəyyənləşdirirlər. Saqqal sahibi olmaq üstünlük və aqressivliklə əlaqələndirilir. Bununla belə, bu fenomenin sosial konteksti öyrənilməyib”- alimlər qeyd edirlər.
Beləliklə, saqqal başqa bir kişi ilə müqayisədə kişinin mövqeyinə dərhal təsir göstərə bilər”- deyə alimlər vurğulayıblar.
Azpost.info
