Xəstəxana
Klinik ölüm keçirən tanınmış TikTok bloggeri qeyri-adi təcrübəsindən danışaraq sosial şəbəkələrdə geniş rezonans doğurub.
AzPost xəbər verir ki, @after.life.echoes istifadəçi adına sahib olan keçmiş bodibilder restoranda huşunu itirib. O, baş verənləri dərmana qarşı şiddətli reaksiya ilə əlaqələndirir. Gələn tibbi yardım heyəti onun bioloji ölümünü təsdiqləyib. Maraqlısı odur ki, təxminən qırx beş dəqiqə sonra – meyitxanaya aparılmağa hazırlandığı anda – onun həyat əlamətləri yenidən bərpa olunub.
Daily Mirror-un məlumatına görə, blogger bu prosesi “kinoya baxmaq” kimi təsvir edib: “Oradakı qəhrəman sənə oxşayır, amma sən deyilsən. Mən hər şeyi yuxarıdan izləyirdim, amma o bədənə aid hiss etmirdim özümü.”
O, həmçinin bildirib ki, həkimlərin onun cəsədini toplamasını görüb və daha sonra parlaq bir işıq və “Bu hələ ölməyib” ifadəsi ilə yenidən huşa gəlib. Hazırda blogger bu hadisəni “şüurun başqa bir mövcudluq forması”na keçidi kimi izah edir və təcrübəsini açıq şəkildə bölüşür.
