Kriminal avtoritetin
Kriminal avtoritetin dəfni – yüzlərlə lüks maşın və anonim çələnglər
Çexov mütəşəkkil cinayət qrupunun lideri Nikolay Pavlinov Moskva vilayətində dəfn edilib. Onunla vidalaşmağa çoxlu adam, o cümlədən kriminal rəhbərlər toplaşıb.
Musavat.com ArbatMedia portalına istinadla xəbər verir ki, dəfn Moskva vilayətinin Talej kəndində keçirilib. Dəfn mərasimində saysız-hesabsız “Gelandevagen” və “Range Rovers” avtomobillərdə gələn çox sayda insan iştiak edib. Bundan başqa, Pavlinovun məzarına onlarla çələng göndərilib, ancaq onlardan bəziləri anonim qalıb, konkret kim tərəfindən göndərildiyi bilinməyib, titul lentində “yaxşı adam” və ya “qonşular” qeydi olub. Bu, güman ki, kriminal avtoritetlərlə müharibə aparan hüquq-mühafizə orqanların təqib və təzyiqindən yayınmaq üçün düşünülüb..
Kriminal aləmdə Kolya kimi tanınan Pavlinov yanvarın 17-də xərçəng xəstəliyindən ölüb. 2017-ci ildə o, dövlət torpaqları ilə dələduzluq etdiyinə görə 17 il həbs cəzası alıb, lakin səhhətində yaranan ciddi problemlərə görə 2023-cü ildə azadlığa buraxılıb.
Pavlinov şöhrətini 90-cı illərdə, “Vityaz” xokkey klubunun sahibi olduğu, həmçinin məhkəmədə müdafiəsində çıxış edən məşhur boksçular Denis Lebedev və Alekander Povetkinə sponsorluq etdiyi zaman qazandı.
Onun dəfn mərasimində iştirak edənlər arasında idman və kriminal aləmin çoxlu nümayəndələri də olub.
