Eko könüllülərin və Qeyri Hökumət Təşkilatlarının Laçın-Xankəndi yolunun Şuşa şəhər ərazisindən keçən hissəsində keçirdiyi dinc aksiya artıq 51 gündür davam edir.
Ğtən 51 gündə bir dəfə də olsun insident qeydə alınmayıb.
Havaların həddindən artıq şaxtalı keçməsinə baxmayaraq etirazçılar gecə-gündüz bu ərazini tərk etməyib. Humanitar məqsədlə əraziyə yaxınlaşan bütün avtomobillərin keçidinə icazə verilir. (APA)
Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarının qanunsuz istismarına etiraz olaraq aksiyanın keçirildiyi Laçın-Xankəndi yolundan mülki bu avtomobillərin sərbəst keçidi davam edir.
Xankəndidən gələn Beynəlxalq Qızıl Xaç Komitəsinə (BQXK) məxsus üç minik, bir yük maşını aksiya keçirilən ərazidən Laçın istiqamətinə maneəsiz keçid edib.
