“Biz Ukraynanın tərəfində qalacağıq”.
Azpost.info xəbər verir ki, bunu Almaniya prezidenti Frank-Valter Ştaynmayer bildirib.
O, Kiyevi Rusiyanın təcavüzünə qarşı müdafiə məsələlərində Almaniyanın davamlı dəstəyinə əmin edib.
Ştaynmayerin sözlərinə görə, iyunun 11-də ukraynalı həmkarı Vladimir Zelenski ilə söhbət edib və söz verib ki, lazım olduğu müddətcə onu və ölkəsini dəstəkləyəcəklər.
Ştaynmayer Ukraynada normal həyatın bərpasının bir neçə aspektinə diqqət çəkib: “İqtisadiyyatın bərpası həlledici əhəmiyyət kəsb edəcək, ona görə də ölkənin həm indi, həm də yaxın illərdə gələcək investisiyalara ehtiyacı var. Bundan başqa, sosial və kommunal səviyyədə bərpa vacibdir. Müharibə səbəbindən Ukrayna demək olar ki, bütöv bir nəsli – gənc nəsli itirdi, lakin Ukraynanın gələcəyi bu yaxşı təhsilli, motivasiyalı, ideyalı, qətiyyətli və enerjili gənclərdən asılıdır. Biz onların gələcəyə olan inamını dəstəkləməliyik və bunun üçün məktəb və uşaq bağçası, elektrik və yollar, xəstəxanalar və universitetlər lazımdır, bir sözlə, infrastruktursuz gələcək yoxdur”.
Azpost.info
