“Liverpul” çempion elan edilməyəcək

Koronavirus pandemiyası səbəbindən dayandırılan İngiltərə Premyer Liqasının davam etdirilməyəcəyinə və “Liverpul”un çempion elan olunacağına UEFA prezidenti Aleksander Çeferin münasibət bildirib.

Apasport.az saytının məlumatına görə, sloveniyalı futbol funksioneri qurumun bu yöndə məsləhət verməsi ilə bağlı yayılan xəbərləri təkzib edib.

O, nə “Liverpul”un, nə də digər çempionatlardakı liderlərin vaxtından əvvəl qızıl medalla təltif edilməsinə razıdır: “Bu tip xəbərləri mən də oxudum. Ancaq UEFA-nın belə bir məsləhət verməsi uydurmadır. UEFA mövsümün tamamlanmasını və hazırkı liderlərin çempion elan edilməsini istəmir. Yalnız bu informasiyaların yalan olduğunu deyə bilərəm. Heç bir federasiyaya və ya liqa rəhbərlərinə bu formada məsləhət verməmişik. Bizim hədəfimiz çempionatları tamamlamaqdır”.

Qeyd edək ki, “Liverpul” Premyer Liqada XXIX turdan sonra ən yaxın izləyicisini 25 xal qabaqlayır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Son sutkada daha 79 min nəfər COVID-19 infeksiyasına yoluxub

Sonrakı məqalə

İş adamları dövlətin kredit dəstəyindən nə qazanacaq? –