Məhkəmə 38 yaşlı kişinin Jirinovskinin oğlu olduğunu təsdiq edib

Moskvanın Nikulinski Rayon Məhkəməsi Oleq Edelşteyni LDPR-nin mərhum sədri Vladimir Jirinovskinin oğlu kimi tanıyıb.

Azpost.info bildirir ki, bu barədə “İzvestiya” məhkəmənin mətbuat xidmətinə istinadən məlumat yayıb.

Edelşteyn özü də məhkəmə qərarına münasibət bildirməyib.

Xatırladaq ki, 2023-cü ilin avqustunda o, siyasətçinin mirasına daxil olmaq üçün atalığın tanınması üçün iddia qaldırıb. Lakin həmin ay məhkəmə Edelşteynin iddiasını rədd edib. Daha sonra o, bu qərardan apellyasiya şikayəti verib.  Ali Məhkəmə şikayəti təmin edib. İşə yenidən baxılıb.

Oleq Edelşteyn 1986-cı ildə anadan olub. 2017-ci ildən Smolensk vilayətinin administrasiyasında işləyib. Şimali Osetiyada yaşayıb. Jirinovski daha sonra Edelşteynin atasının soyadını daşıyan qohumu olduğunu təsdiqləyib.

LDPR-nin qurucusu uzun sürən xəstəlikdən sonra 2022-ci ilin aprelində vəfat edib.

Əvvəlki məqalə

Prokuror Baydenin oğlunu narkotacirlərlə əlaqədə ittiham edib

Sonrakı məqalə

Naxçıvan barədə məlumatlar toplayan casus Füzuli Əsədov azadlıqdan məhrum edilib