ABŞ prezidenti Donald Tramp Norveç Baş nazirinə məktub göndərərək Qrenlandiyaya iddiasını ona Nobel Sülh Mükafatının verilməməsi ilə əlaqələndirib.
AzPost bildirir ki, bu barədə Bloomberg Agentliyi məlumat yayıb.
“Ölkənizin səkkizdən çox müharibənin qarşısını aldığım üçün mənə Nobel Sülh Mükafatı verməmək qərarına gəldiyini nəzərə alsaq, artıq yalnız sülh haqqında düşünməyə borclu deyiləm”, -deyə Bloomberg Trampın Norveç Baş naziri Jonas Gar Støreyə yazdığı məktubdan sitat gətirir
Amerika prezidentinin sözlərinə görə, ABŞ Qrenlandiya üzərində tam nəzarət qurmasa, dünya tamamilə təhlükəsiz olmayacaq.
Tramp mesajında həmçinin bildirib ki, o, NATO-nun yarandığı gündən bəri hər kəsdən daha çox iş görüb və buna görə də “ndi NATO ABŞ üçün bir şey etməlidir.
Belə bir məktubun mövcudluğu PBS News jurnalisti Nik Şifrin tərəfindən təsdiqlənib Bloomberg mənbələrə istinadən bildirir ki, ABŞ prezidentinin mesajı yalnız Norveç baş nazirinə deyil, həm də bir neçə digər Avropa hökumətinə çatdırılıb.
