Venesuela Prezidenti Nikolas Maduro respublikanın Milli Assambleyasına konstitusiya islahatı layihəsini təqdim edib.
AzPost xəbər verir ki, parlamentin təntənəli iclası Venezolana de Televisión telekanalı vasitəsilə yayımlanıb.
“Biz milli debatlara başlamağa hazırıq ki, Venesuela cəmiyyəti 1999-cu il konstitusiyasını yeni zamana, yeni dövrə, yeni müasirliyə uyğunlaşdıran tarixi islahatın qəhrəmanına çevrilsin”, – deyə Maduro bildirib.
Dövlət başçısının sözlərinə görə, konstitusiya islahatı birbaşa demokratiyanın genişləndirilməsinə, dövlət sistemində kommunal, sosial və xalq hakimiyyətinin daha da gücləndirilməsinə yönəlib.
Bundan əlavə, Maduro konstitusiyaya çoxqütblü, çoxmərkəzli dünyanın formalaşması və “yeni, şaxələnmiş, özünü təmin edən iqtisadi model”in yaradılması ilə bağlı müddəaların əlavə olunacağını elan edib.
Prezident konstitusiyanın hüquqi, konstitusiya və siyasi baxımdan yenilənməsinin zəruri olduğunu vurğulayıb.
