Mahaçqala hakimiyyəti sakinləri icazəsiz mitinqlərdə iştirakdan çəkinməyə çağırıb.
Azpost.info xəbər verir ki, şəhər administrasiyasından bildiriblər ki, təxribatçıların mitinqləri onların iştirakçıları üçün ağır nəticələrə səbəb olur.
Meriya həmçinin sakinlərdən şüurlu olmağı və manipulyasiya cəhdlərinə uymamağı xahiş edib.
O da qeyd olunub ki, bundan əvvəl 1000-dən çox insanın iştirakı ilə forum keçirilib və orada Fələstin-İsrail münaqişəsi mövzusu qaldırılıb. Digər məsələlərlə yanaşı, Qəzza zolağının sakinlərinə humanitar yardımın göstərilməsi məsələsi də müzakirə olunub.
Oktyabrın 29-da Mahaçqalada kütləvi iğtişaşlar baş verib. Son məlumatlara görə, 20-dən çox insan yaralanıb, 80 vətəndaş saxlanılıb.
Azpost.info
