Fransa prezidenti Emmanuel Makron Qəzzada HƏMAS-la mübarizə aparmaq üçün regional və beynəlxalq koalisiyanın yaradılmasına çağırıb.
Azpost.info xəbər verir ki, onun sözlərinə görə, koalisiya silahlılara qarşı Qərb ölkələrinin İraq və Suriyada İŞİD-lə mübarizə apardığı kimi hərəkət edə bilər.
“Bu, İsrailin, eləcə də bu terror qrupları tərəfindən təhdid edilən bir çox qonşu ölkələrin təhlükəsizliyinin maraqlarına cavab verir”, – Makron İsrail Baş naziri Binyamin Netanyahu ilə Tel-Əvivdə keçirdiyi mətbuat konfransında deyib.
Eyni zamanda Fransa prezidenti HƏMAS yaraqlılarına qarşı mübarizədə İsraili təcrid olunmuş vəziyyətdə qoymayacağına söz verib: “Əmin ola bilərsiniz ki, terrorla mübarizədə tək olmayacaqsınız. Bizim vəzifəmiz çaşqınlıq yaratmadan və bu münaqişəni genişləndirmədən terrorla mübarizə aparmaqdır”.
Azpost.info
