“Fransa prezidenti Emmanuel Makron Ukrayna münaqişəsinin gedişatına öz təsirini həddən artıq qiymətləndirir”.
Azpost.info xəbər verir ki, bunu “Bloomberg” adı açıqlanmayan diplomata istinadən yazıb.
Nəşrin yazdığına görə, Fransa lideri real hərəkətlərdənsə, səs-küylü bəyanatlara üstünlük verir: “Makron Avropanın daha güclü müdafiəsinə yol açmaq və Kiyevdən dəstək qazanmaq istəyir. Lakin ölkəsindəki seçiciləri onu dəstəkləməyə inandırmaq üçün mübarizə aparmalı olacaq”.
Agentlik Makronun Aİ siyasətinin müzakirə olunduğu ekspertlərlə son görüşünü şərh edib. Görüş əsnasında Fransa prezidenti deyib ki, o, müdafiə məsələsində ideoloji qələbə qazana bilib. Cavab olaraq söhbət iştirakçıları Makrondan Ukraynaya yardımla bağlı konkret təkliflər səsləndirməyi, səs-küylü bəyanatlar verməməyi xahiş ediblər. Agentliyin mənbəsi qeyd edib ki, Fransa liderinin “ideoloji qələbələrini” reallığa çevirməsi son dərəcə vacibdir.
Azpost.info
