“Prezident Emmanuel Makronun Rusiyanın Qafqazda dağıdıcı rolu barədə bəyanatı Fransanın iyrənc keçmişindən qaynaqlanır”.
Bu fikri Rusiya Federasiyası Təhlükəsizlik Şurasının sədr müavini Dmitri Medvedev “Vkontakte”şəbəkəsindəki səhifəsində bildirib.
Onun postu iki dildə – rus və fransız dillərində paylaşılıb. Lakin paylaşılan mətnin rusca olan hissəsinin sonunda Medvedyev fransız dilində belə bir cümlə əlavə edib: C’est une honte, Monsieur le Président! (“Ayıbdır, cənab Prezident!”).
Qeyd edək ki, Fransa prezidenti Emmanuel Makron “France 2” telekanalının efirində Rusiyanı Qafqaz regionunda və onun hüdudlarından kənarda sabitliyi pozmaq üçün Ermənistan və Azərbaycan arasında son toqquşmaları qəsdən təhrik etməkdə ittiham edib.
