“Mariupolun müdafiəçiləri əsirlərin mübadiləsi yolu ilə azad edilə bilər”.
Azpost.info xəbər verir ki, bunu Ukrayna prezidentinin müşaviri Mixail Podolyak deyib.
“Yeganə mexanizm odur ki, biz orada olacağıq, Rusiya tərəfdən də kimsə olacaq, sonra da mübadilə… Biz müəyyən sayda əsirləri veririk və adamlarımızı götürürük”, – Podolyak bildirib.
O əlavə edib ki, Mariupoldakı ukraynalı müdafiəçilər mövqelərini əldən verməyəcək və silahı yerə qoymayacaqlar: “Onlar silahlarını təhvil verməyəcəklər. Bunun Rusiya üçün nə demək olduğunu başa düşürlər. Biz təklif edirik ki, uşaqlar (hərbçilər-red:) silahla gələcəklər və biz onları götürüb özümüzlə aparacağıq”, – Podolyak əlavə edib.
Podolyak onu da bildirib ki, Rusiya Mariupolda ukraynalı müdafiəçiləri sadəcə məhv etmək deyil, diz çökdürmək istəyir.
Azpost.info
