“McDonald’s” restoranlar şəbəkəsi yaxın vaxtlarda ABŞ-dakı ofislərini bağlayacaq.
Azpost.info xəbər verir ki, bu barədə “The Wall Street Journal” məlumat yayıb.
Məlumata görə, ofislər işçilərin ixtisarına hazırlıqla əlaqədar bağlanır. Filialların bağlanması müvəqqəti xarakter daşıyacaq, kollektiv aprelin 3-dən aprelin 5-dək evdən işləyəcək.
Şirkət ixtisar olunacaq işçilərin sayını açıqlamaqdan imtina edib. Ümumilikdə, “McDonald’s”ın 150 mindən çox əməkdaşı var. Onların 70 faizi ABŞ-dan kənarda işləyir.
Yanvarın əvvəlində “McDonald’s”ın baş direktoru Kris Kempçinski işçilərinə 2023-cü ildə ixtisarların olacağına dair korporativ məktub göndərmişdi. O qeyd etmişdi ki, yaxın vaxtlarda kadrların rolu və səviyyələrinin qiymətləndirilməsinə başlanılacaq.
Azpost.info
