Rusiyanın Yaponiya ilə sülh müqaviləsini müzakirə etməkdən imtina etmək qərarı tarixən əsaslandırılıb.
Azpost.info xəbər verir ki, bunu Rusiya Təhlükəsizlik Şurası sədrinin müavini Dmitri Medvedev deyib. O, danışıqları ritual adlandırıb və bildirib ki, ölkələr bu məsələdə heç vaxt konsensus əldə edə bilməyəcəkdilər. Medvedev fikrini əsaslandırarkən ərazilərin ayrılmazlığı prinsipini açıq şəkildə ifadə edən Rusiya Konstitusiyasına istinad edib.
Medvedev həmçinin qeyd edib ki, Yaponiyanın ABŞ-ın tətbiq etdiyi sanksiyalara bu qədər tez qoşulması ölkənin xarici siyasətinin müstəqil olmadığını göstərir: “Demək ki, sülh müqaviləsinin mətnini də Vaşinqtonla razılaşdıracaqdılar”. “Kuril adalarının inkişafı ilə məşğul olmaq daha vacibdir. Son illərdə biz onlara yeni nəfəs verdik. Mən dəfələrlə adalarımızda olmuşam, onların dəstəyi ilə bağlı qərarlar vermişəm, yaxşılığa doğru real dəyişikliklər görmüşəm – məktəblərdən tutmuş yollara və hava limanlarına qədər. Amma daha önəmlisi, orada yaşayan insanlar bunu görür. Bundan sonra da belə olacaq!”, – Medvedev əlavə edib.
Azpost.info
