Almaniya kansleri Angela Merkel koronavirus şübhəsi ilə karantinə alınıb.
“Sky News”-in verdiyi xəbərə görə, bu barədə kanslerin mətbuat katibi Steffen Seibert məlumat verib. O bildirib ki, bir neçə gün öncə pnevmaniya infeksiyası ilə bağlı Angela Merkelə peyvənd edən həkimdə virusa yoluxma aşkar edilib. Həkim martın 20-də Almaniya kanslerinə peyvənd edib.
Steffen Seibert qeyd edib ki, qarşıdakı günlərdə Angela Merkel müvafiq yoxlamalardan keçəcək və evdən iş fəaliyyətinə davam edəcək. (APA)
