Messi koronavirus testindən keçib

İspaniyanın “Barselona” klubunun argentinalı hücumçusu Lionel Messi komanda ilə məşqdən öncə koronavirus infeksiyasıyla əlaqədar testdən keçib.

APA-nın “Ole” nəşrinə istinadən verdiyi məlumata görə, xüsusi həkim briqadası argentinalının evinə gəlib.

Əgər koronavirus testi mənfi nəticə verərsə, futbolçu bazar ertəsindən məşqlərə çıxa bilər.

Qeyd edək ki, bundan əvvəl L. Messi “Barselona” klubunu tərk etmək istədiyini bildirib. Ötən gün isə futbolçu “Barselona” ilə məhkəmə çəkişməsi yaşamaq istəmədiyi və ailəsi Kataloniyada qalmaq istədiyi üçün karyerasını klubda davam etdirməyə qərar verdiyini açıqlayıb. Messi “Barselona” klubunun yetirməsidir. Futbolçu komandada ilk dəfə 2004-cü ildə debüt edib.Argentinalı peşəkar karyerasında 700-dən çox qol vurub, “France Football” jurnalı tərəfindən 6 dəfə “Qızıl top”a layiq görülməklə rekord müəyyənləşdirib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Minskdə bütün prospektlər bağlanır –

Sonrakı məqalə

Qabiliyyət imtahanında iştirak edəcək abituriyentlər buraxılış vərəqələrini çap edə bilər