İslam İnkişaf Bankı (IsDB) Qrupunun İllik Toplantıları çərçivəsində keçirilən Özəl Sektor Forumu böyük investisiya nəticələri ilə yadda qalacaq.
Bunu iqtisadiyyat naziri Mikayıl Cabbarov Bakıda keçirilən İslam İnkişaf Bankının İllik Toplantıları çərçivəsində təşkil olunan “Özəl Sektor Forumu”nda bildirib.
Onun sözlərinə görə, forum çərçivəsində ümumi dəyəri 4,7 milyard ABŞ dollarından çox olan 32-dən artıq saziş və anlaşma memorandumu imzalanacaq:
“Əvvəlki forumlarda bağlanan sazişlərin həcmi 3,6 milyard dolları ötüb və bu il tədbir daha yüksək nəticələr hədəfləyir”.
Mikayıl Cabbarov onu da qeyd edib ki, dayanıqlı rifah üçün daha güclü əlaqəlilik, dərin ticarət və investisiya əlaqələri, eləcə də dövlətlər və özəl sektor arasında sıx əməkdaşlıq vacibdir.
