Qeyri-qanuni yollarla Avropaya keçməyə çalışan immiqrantları daşıyan qayığın batması nəticəsində 69 nəfər itkin düşüb.
Bu barədə Mali Xarici İşlər Nazirliyi açıqlama verib.
Məlumata görə, dekabrın 19-da İspaniyaya getməyə çalışan təxminən 80 nəfərin olduğu qayıq Mərakeşin ərazi sularında batıb.
9-u Mali vətəndaşı olmaqla 11 nəfərin xilas edildiyi qeyd edilib. Qayığın yola düşmə yeri ilə bağlı məlumat paylaşılmayıb.
İspaniyanın qeyri-hökumət təşkilatı “Caminando Fronteras”in hazırladığı hesabatda 2024-cü ilin İspaniyanın müasir immiqrasiya tarixi üçün ən ölümcül il olduğu vurğulanıb.
Hesabata əsasən, hər gün orta hesabla 30 nəfər İspaniyaya keçmək istəyərkən dənizdə ölür.
