Görkəmli ədibimiz Mirzə Fətəli Axundzadənin kötükcəsi Pəriruh Pezeşki 37 il əvvəl Azərbaycanda səfərdə olub.
AzPost bildirir ki, Pəriruh xanım sovet dövründə ölkəmizə Xarici Ölkələrə Mədəni Əlaqələr Cəmiyyətinin xətti ilə gəlib. Həmin qurumun sədri xalq şairi Nəbi Xəzri olub.
Araşdırmaçı jurnalist Füzuli Sabiroğlu şəxsi arxivindən 1988-ci ildə Azərbaycanda səfərdə olan Pəriruh Pezeşki ilə bağlı görüntüləri paylaşıb.
Görünütlərdə Pəriruh xanım böyü salonda çıxış edir. Kadrlarda SSRİ xalq artisti Lütfüyar İmanov, xalq yazıçısı İsmayıl Şıxlı, şair Sabir Rüstəmxanlını görmək olur.
Görkəmli ədibimiz Mirzə Fətəli Axundzadə vəfat edərkən oğlu Rəşid Fransada təhsil alırdı. Rəşid Azərbaycana qayıtdıqdan sonra fransız casusu kimi ittiham olunur. Təqib və ittihamlardan bezən, əsəbləri pozulan Rəşid sonda intihar edir.
Rəşidin oğlu, M.F.Axundzadənin nəvəsi Fətəli isə Azərbaycandan sürgün olunur. Ömrünün qalan hissəsini Yaponiyada yaşayır. Pəriruh Pezeşki Fətəlinin qız övladıdır. M.F.Axundzadənin anadan olmasının 175 illiyi qeyd olunarkən Pərirux Pərsinecati Bakıya dəvət olunur və bu tədbirə iştirak edir.
Onun oğlu Parsi Parsinecati isə hal-hazırda Yaponiyada yaşayır.
