Bu gün Misli Premyer Liqasında XIV turun növbəti oyunları keçiriləcək.
Əvvəlcə meydana “Səbail” və “Qarabağ” komandaları çıxacaqlar. “ASCO Arena”da reallaşacaq görüş saat 17:00-da başlayacaq.
Ev sahibi komanda 8 xalla 9-cu, qonaqlar isə 31 xalla 2-ci pillədə qərarlaşıb.
Saat 19:00-da isə “Neftçi” “Zirə”ni qəbul edəcək. Matç “Neftçi Arena” təşkil olunacaq.
“Ağ-qaralar” 10 xalla 8-ci, “qartallar” isə 20 xalla 4-cü yerdədir.
Qeyd edək ki, ötən gün turun açılış qarşılaşmasında “Araz-Naxçıvan” “Kəpəz”ə 2:0 hesabı ilə qalib gəlib.
