Moldova siyasətçiləri Rusiyaya səfərlərinə görə məsuliyyətə cəlb oluna bilərlər.
Azpost.info xəbər verir ki, bunu Moldovanın Baş naziri Dorin Reçan bildirib.
Onun sözlərinə görə, bu cür səfərlər dövlətə qarşı yönəlmiş hərəkətlər kimi qiymətləndirilə bilər.
“Moldovanın dövlətçiliyinə xələl gətirən şəxsləri müəyyən etməyə davam edəcəyik. Mənim gözləntim və vətəndaşların gözləntisi ondan ibarətdir ki, dövlət əleyhinə, vətəndaşlara qarşı işləyənlərin hamısı qanun qarşısında cavab versinlər”, – Reçan deyib.
Baş nazir etiraf edib ki, Soçidə keçirilən Ümumdünya Gənclər Festivalına gələn ölkə nümayəndə heyətinin üzvləri də qanun pozuntularına görə yoxlana bilər. Onların arasında Qaqauziya rəhbəri Yevgeniya Qutsul da olub və səfər çərçivəsində Rusiya prezidenti Vladimir Putinlə görüş keçirib.
Azpost.info
