Milyarder sakinlərinin sayına görə Moskva dünyanın ilk 10 şəhəri sırasına daxil olub.
Azpost.info xəbər verir ki, bu barədə “Forbes” məlumat yayıb.
Rusiya paytaxtı əvvəlki nəticəsini yaxşılaşdıraraq altıncı yeri tutub.
Hazırda Moskvada 61 milyarder yaşayır ki, bu da 2022-ci illə müqayisədə 8 nəfər çoxdur. 61 milyarderin ümumi sərvəti ötən illə müqayisədə 92 milyard dollar artaraq 307 milyard dollar olub.
Nəşrin məlumatına görə, ən varlı moskvalı “Norilsk Nikel” şirkətinin prezidenti Vladimir Potanindir və onun sərvəti 23,7 milyard dollardır.
Varlı moskvalılar arasında, xüsusən də 3,2 milyard dollar kapitala malik AEON investisiya korporasiyasının rəhbəri Roman Trotsenko, “Birləşmiş Metallurgiya Şirkəti” ASC-nin direktorlar şurasının sədri Anatoli Sedıx (1,8 milyard dollar) və iş adamı Dmitri Pumlyanskinin (1,7 milyard dollar) adı var.
“Forbes”in siyahısında birinci yerdə olan şəhər- sərvəti 1 milyard dollardan çox olan 101 nəfərin yaşadığı Nyu-Yorkdur. Onların ümumi kapitalının məbləği 616,8 milyard dollardır. Sahibkar Maykl Blumberq Nyu-Yorkun ən zəngini hesab olunur.
Azpost.info
