Prezident İlham liyevin sərəncamı ilə Məmmədiyyə Məmmədov Naftalanın icra başçısı təyin olunub.
Azpost.info icra başçısının dosyesini təqdim edir.
Məmmədiyyə Süleyman oğlu Məmmədov 1989-cu ildə Bakıda anadan olub.
O, Moskva Dövlət Beynəlxalq Münasibətlər İnstitutunu (MGİMO) “Beynəlxalq hüquq” ixtisası üzrə bitirib. Londonda biznes idarəçiliyi üzrə təhsil alıb, həmçinin iqtisadiyyat üzrə magistr dərəcəsi əldə edib. 2025-ci ildə Harvard Universitetində dövlət idarəçiliyi strategiyalarının həyata keçirilməsi üzrə kurs keçib.
2013–2022-ci illərdə Azərbaycan Xarici İşlər Nazirliyində çalışıb. Bu müddətdə Azərbaycanın Rusiyadakı səfirliyində və İstanbulda Baş Konsulluğunda fəaliyyət göstərib. 2022-ci ilin iyulundan Azərbaycan Respublikası Prezidentinin Administrasiyasında işləyib.
2024-cü ildə Bakıda keçirilən COP29 tədbirində fəal iştirakına görə Prezidentin “Təşəkkür”ü ilə təltif olunub.
Məmmədiyyə Məmmədov evlidir, iki övladı var. Yeni Azərbaycan Partiyasının üzvüdür.
