Alimlər Peruda tapılmış mumiyanın içərisində mürəkkəb ərintidən hazırlanmış implantasiya edilmiş metal lövhə aşkar ediblər.
AzPost Daily Mail-ə istinadən xəbər verir ki, bu qeyri-adi kəşf Nazka bölgəsində tapılan üç barmaqlı mumiyaları araşdıran mütəxəssislər tərəfindən edilib.
Kriminalistika üzrə ekspert Xose Zalse Benitez bildirib ki, analiz materialın qeyri-adi tərkibini ortaya çıxarıb. O, lövhənin tərkibində gümüş, qalay, mis və alüminium da daxil olmaqla bir neçə metalın, eləcə də nadir elementlər olan kadmium və osmiumun olduğunu təxmin edib. O, qədim dövrlərdə belə bir ərinti yaratmaq üçün son dərəcə inkişaf etmiş bir texnologiya səviyyəsinin tələb olunduğunu vurğulayıb.
Tədqiqatçılar artıq yarılma zamanı mumiyalardan birinin əlindən implanta bənzər yüngül metal elementin çıxarıldığını bildiriblər. Eyni zamanda, mütəxəssislər həmçinin əzaların qeyri-adi quruluşunu və içərisində pulcuqlu naxışlı qəribə sümük formasiyalarının və strukturlarının mövcudluğunu qeyd ediblər.
Bu yeni tapıntılar Perudan gələn sirli kəşflər ətrafındakı müzakirələri daha da gücləndirib. Tədqiqatçıların Naska mumiyalarının tədqiqi beynəlxalq elmi qrupların iştirakı ilə davam edir.
