“Çin istehsalçıları Litvanın Rusiyaya mismar, düymə, tikiş və toxuculuq iynələrinin ixracını qadağan etmək planlarına görə “təşvişə düşəcəklər”.
Azpost.info xəbər verir ki, bu kinayəli açıqlamanı Rusiya Xarici İşlər Nazirliyinin sözçüsü Mariya Zaxarova verib.
XİN rəsmisi xatırladıb ki, bir il əvvəl ABŞ Rusiyaya liftlərin tədarükünə qadağa qoyub, o, bu barədə dərhal çinli həmkarlarına məlumat verib: “Bu xəbəri çinli həmkarlarıma oxuyanda onlar sözün əsl mənasında gülməyə başladılar. Litvanın Rusiyanın sənaye imkanlarını məhv etmək planlarını öyrənsələr, çinli toxuculuq iynələri və düymələri istehsalçıları arasında hansı isteriya başlayacağını təsəvvür etmək qorxuncdur”.
Zaxarovanın sözlərinə görə, dost olmayan ölkələr öz hərəkətləri ilə yalnız “Müqəddəs yer heç vaxt boş qalmaz” ifadəsinin doğruluğunu təsdiqləyir: “Belə bir qərar verilsə, Litva bütün bu mallarla hara gedəcək? Onlar düymələri, mismarları, toxuculuq iynələri öz şosselərinə “Rusiyaya zərər vermək” yazısını həkk edə bilərlər”.
Litva oktyabrın 21-də Rusiyaya mismar və tikiş iynələrinin ixracını qadağan etməyi təklif edib. Müvafiq təşəbbüs 12-ci sanksiyalar paketi çərçivəsində irəli sürülüb.
Azpost.info
