Müxtəlif ölkələrdə karantin pozuntularına görə cəzalar –

Çubuqla döymə, 50 min dollar cərimə
30 Mart 2020 - 10:27

Hindistanda polis əməkdaşlarına karantin rejimini pozanları çubuqlarla döyməyə icazə verilir və bu, ən ağır cəza tədbiri deyil. Qeyd edildiyi kimi, hüquq-mühafizə orqanları cəzanı seçməkdə sərbəstdirlər. Bəzi ştatlarda hakimiyyət orqanları qanun pozucularına xəbərdarlıq etmədən atəş aça bilərlər.

Banker.az bu barədə xarici mətbuata istinadən xəbər verir.

Türkiyədə boş küçələr antiseptik və yuyucu vasitələrlə yuyulur.

ABŞ prezidenti Donald Tramp koronavirusdan ölüm səviyyəsinin yayın əvvəlində aşağı düşəcəyini söyləyir. Buna baxmayaraq, tibb işçiləri onun nikbin əhval-ruhiyyəsini dəstəkləməyə tələsmirlər və infeksiyanın qocalar evlərində sürətlə yayıldığını iddia edirlər. Xəstəxanalarda qoruyucu vasitələrin çatışmazlığı yaşanır.

Sinqapurda karantin rejimini pozanlara qarşı $10 minədək cərimə və altı ay həbs cəzası tətbiq olunur. İsraildə – $1,5 min cərimə və 3 il həbs, Avstraliyada – $50 min cərimə.

İtaliya, İspaniya və Fransada cərimə cəzası €3000, Avstriyada isə €3500-dən çoxdur.

Çin hökuməti və tibb işçiləri vətəndaşları karantin rejiminə reayət etməyə və evdən çölə çıxmamağa çağırır.

Fillipində yalnız insanlara deyil, heyvanlara da qayğı göstərilir: boş küçələrdə karantin altında olan, uzun müddət bəslənməyən evsiz pişiklərə və itlərə yemək və suyun paylanması təşkil olunur.