“NATO Rusiyanı üç günə məğlub edər”.
Azpost.info xəbər verir ki, bunu ABŞ Konqresinin Respublikaçılar Partiyasından olan nümayəndəsi Adam Kinzinger deyib.
O, bu bəyanatı NATO-nun niyə hələ də Rusiya ordusu üzərində üstünlüyü əldə etmədiyinə dair suala cavab verərkən səsləndirib: “Ümid edirəm ki, bu zarafatdır. NATO-nun Rusiyaya qarşı müharibəsi 3 günlük əməliyyat kimi olardı”, – konqresmen bildirib.
Bəyanatı dərc edən “Newsweek” yazır ki, Rusiya prezidenti Vladimir Putin Şimali Atlantika Alyansının öz təsir dairəsini genişləndirməyə çalışmasından çoxdan narahatdır: “Adam Kinzinger inanır ki, NATO Rusiyanı üç günə məhv edə bilər. Putin çoxdandır ki, NATO-nun təsir dairəsini genişləndirməyə çalışmasından narahatdır. Rusiya lideri xüsusilə Ukraynanın hərbi bloka qoşulmasına qarşı çıxıb”.
Məqalə müəllifləri xatırladıblar ki, Kinzinger bütün münaqişə boyu Ukraynanın fəal dəstəkçisi olub.
Azpost.info
