Çinin keçmiş kənd təsərrüfatı naziri Tan Jenszyan rüşvətxorluğa görə ölüm cəzasına məhkum edilib.
AzPost bildirir ki, bu barədə “Sinxua” agentliyi məlumat verib.
Məlumatda deyilir ki, 2007-2024-cü illər arasında sabiq nazir müxtəlif vəzifələrdə işləyərkən biznes əməliyyatları və müqavilə danışıqlarında köməklik göstərmək müqabilində rüşvət alıb. Mənbənin sözlərinə görə, Jenszyanın aldığı rüşvətin ümumi məbləği 38 milyon dolları ötür.
Sabiq nazirin məhkəməsi iyulun 25-də keçirilib. O, korrupsiyada günahını tam etiraf edib və peşman olduğunu bildirib. Jenszyan sonradan iki illik möhlətlə ölümə məhkum edilib.
Keçmiş nazir göstərilən müddətdə daha cinayət törətməsə, bu cəza ömürlük həbslə əvəz oluna bilər.
