Rusiyanın Enerji Nazirliyi 2 il ərzində neftə olan tələbatın böhrandan əvvəlki səviyyəyə çatacağını gözləyir.
“APA-Economics”in Rusiya mətbuatına istinadən verdiyi məlumata görə, bu barədə ölkənin energetika nazirinin müavini Pavel Sorokin deyib.
Onun sözlərinə görə, qlobal iqtisadiyyatın pandemiya səbəbindən böhrandan çıxması üçün ucuz və sərfəli enerji qaynaqları tələb olunacaq. Bu səbəbdən, karbohidrogenlər dövrünün tarixə qovuşmasına dair bütün açıqlamalar heç bir rəqəm və faktlara əsaslanmayan şüarlardır.