Bir neçə dəqiqəlik smartfonu paltaryuyan maşının qapağının üstünə qoymağın təhlükəli olduğunu düşünmək çətin görünə bilər. Amma hətta qısa müddətli təmas belə cihazın sıradan çıxmasına səbəb ola bilər. Səbəb sıxma rejimi zamanı yaranan vibrasiyalardır.
Lent.az-ın xarici KİV-ə istinadla məlumatına görə, paltaryuyan maşının üzərində yerləşdirilən smartfon, işləmə zamanı sanki bərk səthə düşürmüş kimi mikrozərbələrə məruz qalır.
Cihazın daxili komponentləri (batareya, mikrosxemlər, kamera) orta yüklənmələrə uyğunlaşdırılıb, amma daimi silkələnmə lehim birləşmələrini dağıdır və həssas sensorlara ziyan vurur.
Belə “stress-testlərdən” cəmi 3–4 ay sonra telefonda problemlər baş verə bilər: vibrasiya işləməz, GPS funksiyası sıradan çıxar və ya kameranın avtofokusu dayanacaq.
İkinci təhlükə – elektromaqnit maneələrdir. Paltaryuyan maşının mühərriki elektromaqnit sahələr yaradır, bu sahələr isə smartfonun işinə təsir edə bilər. Əgər cihaz işləyən paltaryuyanın üstündədirsə, Wi-Fi, Bluetooth və ya hətta prosessorun fəaliyyətində nasazlıqlar baş verə bilər.
OLED ekranlı telefonlar xüsusi risk altındadır
Bu cür ekranlar elektromaqnit təsirə həssasdır – bu da piksellərdə gözlə görünməyən titrəməyə səbəb olur. Nəticədə istifadəçidə göz yorğunluğu və baş ağrısı yarana bilər.
Üçüncü risk – qızma
Paltaryuyan maşın işləyərkən xüsusilə mühərrik hissəsində qızır. Qapağın metal və ya plastik səthi bu istiliyi telefona ötürür. Telefon isə artıq tətbiqlərin işləməsi və ya enerji yığma zamanı özü də qızır.
Bu birləşmiş qızma batareyanın daha tez köhnəlməsinə səbəb olur və onun tutumunu azaldır. Əgər telefon mütəmadi olaraq paltaryuyan üstündə saxlanılarsa, bir il ərzində onun enerji saxlaması 30–40 faiz azalacaq.
Bəs texnikanı necə qorumalı?
Paltaryuyan maşının yaxınlığında rəf və ya tumba istifadə edin. Əgər yer yoxdursa, telefonu içərisində rezin altlıq olan plastik konteynerə qoyun bu, vibrasiyaları azaldacaq. Və heç vaxt telefonu işləyən texnikanın üstünə qoymayın: hətta sıxma rejimində cəmi 5 dəqiqə belə, kritik nəticələrə səbəb ola bilər.
