Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Regional Gender Mərkəzi” İctimai Birliyi Ağcabədi rayonunda “Nümunəvi valideynlik İnstitutu” adlı layihəyənin yekun tədbirini keçirdi.
13.08.2025 – ci il tarixində Ağcabədi rayon Sarcalı kənd ərazi nümayəndəliyində “Nümunəvi valideynlik İnstitutu” adlı layihə çərçivəsində “Erkən və qohum nigahların səbəbləri və fəsadları” mövzusunda dəyirmi masa keçirıldi.
Layihə rəhbəri Ş.Dadaşova layihənin donoru və icraçı təşkilat haqda məlumat verdikdən sonra layihənin məqsədlərini açıqladı. O bildirdi ki , “Ölkəmizdə erkən və qohum nikah hallarının azaldılması ilə bağlı müsbət işlər aparılmasına baxmayaraq, problem hələ də bəzi ərazilərdə qalmaqdadır. 2024-cü ildə erkən evlilik və qohum evliliklərinin qarşısının alınması istiqamətində Ailə Məcəlləsinə, Cinayət Məcəlləsinə, İnzibati Xətalar Məcəlləsinə dəyişikliklər edilib. Nümunəvi Valideynlik İnstitutu adlı layihə çərçivəsində bu dəyişikliklərlə bağlı maarifləndirmə işi aparılacaq. Məqsədimiz cəmiyyətimizdə sağlam ailələrin sayının artmasıdır”.
Tədbirdə Ekspert S.Məmmədova erkən nigahın fəsadlarından ətraflı danışdı. Bildirdi ki, “Erkən və qohum nikahlar həm mənəvi-psixoloji, həm də fiziki cəhətdən uşaqların gələcək həyatlarına mənfi təsir edir. Bunu anlayan valideynlər erkən və qohum nigaha yox deməlidir”.
N. Vəliməmmədova Ailə Məcəlləsinə, Cinayət Məcəlləsinə, İnzibati Xətalar Məcəlləsinə dəyişikliklər barədə məlumat verdi. Bildirdi ki, “Qanunda edilən dəyişikliklər 2025-ci ilin iyulun 1-dən qüvvəyə minib. İnanıram ki, bu dəyişikliyin erkən və qohum nikahların qarşısının alınmasında böyük rolu olacaq. Övladlarının sağlam gələcəyi üçün Valideynlər hamılıqla bu işə daha ciddi yanaşacaq. Və nümunəvi valideynlərin sayı çoxalacaq.
Daha sonra müzakirələr oldu. İştirakçıların sualları cavablandırıldı və təklifləri dinlənildi. İştirakçılar layihənin aktuallığını qeyd etdilər və tədbirlərin davamlı olmasını arzuladılar.
Ş.Dadaşova Ağcabədi rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Sevinc Niftalıyeva, Sarıcaı kənd İƏD-si üzrə nümayəndəliyinin rəhbəri Arif Ağayeva, müavini Məhəmməd Qasımova və baş mühasib Rəqsanə Hacıyevaya tədbirin keçirilməsində dəstəyinə görə təşəkkür etdi .
İştirakçılardan H.Rəqsanə,M.Sevil və digərləri Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə və Regional Gender Mərkəzi İB-nə təşəkkür etdilər.
Tədbirdə 20 nəfər iştirak etdi. Sonda xatirə şəkili çəkildi.
