Ölkədə ərzaq malları 18 faiz bahalaşıb –Əhali ən çox nəyə pul xərcləyib? (RƏSMİ HESABAT)

2022-ci ilin yanvar-may aylarında istehlak qiymətləri ötən ilin eyni dövrünə nisbətən 12,6 faiz artıb, ərzaq məhsulları, içkilər və tütün məmulatları 17,9 faiz, qeyri-ərzaq məhsulları 6,6 faiz, ödənişli xidmətlər 10,2 faiz bahalaşıb.

Azpost.info bildirir ki, bu barədə Dövlət Statistika Komitəsinin açıqladığı  rəsmi hesabatda deyilir.

Açıqlamaya əsasən, beş ayda pərakəndə ticarət şəbəkəsində istehlakçılara 10,1 milyard manatlıq ərzaq məhsulları, içkilər və tütün məmulatları, 7,6 milyard manatlıq qeyri-ərzaq malları satılıb, pərakəndə ticarət dövriyyəsi 2021-ci ilin yanvar-may ayları ilə müqayisədə real ifadədə 3,1 faiz yüksəlib.

İstehlak məqsədilə alınan mallara xərclənən vəsaitin 52,1 faizinin ərzaq məhsullarının, 5,1 faizinin içkilər və tütün məmulatlarının payına düşdüyü vurğulanır.

Qeyd olunur ki, yanvar-aprel aylarında Azərbaycanın hüquqi və fiziki şəxsləri 155 ölkədəki tərəfdaşları ilə ticarət əməliyyatları həyata keçirib, 104 ölkəyə məhsul ixrac olunub, 144 ölkədən idxal rəsmiləşib. 2021-ci ilin yanvar-aprel ayları ilə müqayisədə xarici ticarət dövriyyəsinin faktiki qiymətlərlə 73,9 faiz, real ifadədə 9,8 faiz artdığı, ixracın real ifadədə 18,3 faiz yüksəldiyi, idxalın 4,8 faiz azaldığı xəbər verilir.

Əvvəlki məqalə

Ukraynaya dəstək verən rusiyalı jurnalistin əmlakına həbs qoyuldu

Sonrakı məqalə

Putinin 1-ci Pyotrla bağlı dedikləri Finlandiya prezidentini qorxutdu –