Operativ Qərargah:

"Digər xəstələrin bir rayondan başqa rayona müalicə üçün getməsi ilə bağlı sənəd hazırlanır"
02 Aprel 2020 - 13:00

“Hemofiliya, dializ və digər xəstələr bir rayondan başqa rayona müalicə üçün getməlidirlər. Onların hərəkət rejiminin necə olacağına gəlincə, hazırda bu sənədin üzərində iş gedir”.

APA-nın məlumatına görə, bunu Nazirlər Kabineti yanında Operativ Qərargahın mətbuat konfransında Nazirlər Kabinetinin mətbuat xidmətinin rəhbəri İbrahim Məmmədov bildirib.

İ.Məmmədov deyib ki, yaxın saatlarda elan olunacaq sənəddə bu xəstələrin rahat hərəkətinə şərait yaradılması nəzərdə tutulacaq.