Rusiyaya paralel idxal və ikili təyinatlı malların tədarük edildiyi daha bir bir ölkə ABŞ-la gömrük məlumatlarının mübadiləsinə razılıq verdi.
Azpost.info xəbər verir ki, Qazaxıstanın ardınca Özbəkistanın Gömrük Komitəsi də ABŞ Sərhəd və Gömrük Xidməti ilə əməkdaşlıq və qarşılıqlı yardım haqqında saziş imzalayıb.
Bu, 32 il əvvəl ABŞ ilə Özbəkistan arasında diplomatik münasibətlərin qurulmasından sonra bu formatda ilk görüş idi və ABŞ-ın belə bir saziş imzaladığı 18-ci ölkə oldu.
Bunun ardınca xarici iqtisadi fəaliyyət üzrə məsləhətçilər müştərilərə Özbəkistan üzərindən işləməyin mümkün fəsadları barədə xəbərdarlıq etməyə başlayıblar.
Saziş Özbəkistan tərəfindən gömrük xidmətlərinin rəqəmsallaşdırılmasında, iki ölkənin gömrük xidmətləri arasında məlumat mübadiləsində, o cümlədən narkotiklərin qanunsuz dövriyyəsi, insan alveri, transmilli cinayətkarlıq, çirkli pulların yuyulması və s. gömrük rüsumundan yayınma hallarında ABŞ-ın yardımını nəzərdə tutur.
Faktiki olaraq bu o deməkdir ki, ABŞ hakimiyyəti Özbəkistandan keçən ixrac-idxal axınları haqqında ətraflı məlumat alacaq. Bu isə Rusiya ilə əlaqəli şirkətlər üçün böyük problemlər yarada bilər.
Azpost.info
