Paşinyan Putinə zəng vurdu, Qarabağdakı vəziyyət müzakirə olundu

Rusiya Prezidenti Vladimir Putin və Ermənistanın Baş naziri Nikol Paşinyan arasında telefon danışığı olub. Tərəflər Dağlıq Qarabağdakı vəziyyəti müzakirə edib. Söhbət əsnasında bölgədəki vəziyyətin sabitləşdiyi bildirilib.

Bu barədə Kremlin mətbuat xidmətinin açıqlamasında deyilir.

“Ermənistan tərəfinin təşəbbüsü ilə Rusiya Federasiyasının Prezidenti Vladimir Putin və Ermənistan Respublikasının Baş naziri Nikol Paşinyan arasında telefon danışığı baş tutub. Dağlıq Qarabağ ətrafındakı vəziyyət müzakirə edilərkən qeyd olunub ki, bölgədə vəziyyət sabitləşib və ümumiyyətlə sakit olaraq qalır”, – açıqlamada deyilir.

Həmçinin bildirilir ki, tərəflər arasında enerji sektoruna və koronavirus infeksiyasına qarşı mübarizəyə toxunaraq ikitərəfli əməkdaşlığın aktual məsələləri barədə fikir mübadiləsi aparılıb, gələcək əlaqələr razılaşdırılıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Avropa İttifaqının liderləri Ərdoğana yeni əməkdaşlıq təklifləri ilə müraciət edib

Sonrakı məqalə

Misirdə qatarın toqquşması nəticəsində xəsarət alanların sayı 100-ü keçib