Astanada Ermənistanın Baş naziri Nikol Paşinyan və Qazaxıstan Prezidenti Kasım-Jomart Tokayev arasında görüş başlayıb.
AzPost bildirir ki, Armenpress-in verdiyi məlumata görə, Ermənistanın Baş nazirini Qazaxıstan Prezidenti Kasım-Jomart Tokayev Qazaxıstan Prezidentinin iqamətgahı olan Akorda Sarayında qarşılayıb.
Rəsmi qarşılanma mərasimindən sonra Ermənistan Baş naziri ilə Qazaxıstan Prezidenti arasında ayrıca görüş başlayıb, ardınca nümayəndə heyətlərinin geniş tərkibli görüşü keçirilib.
Ermənistan nümayəndə heyətinin tərkibinə Ermənistan Baş nazirinin müavini Mher Qriqoryan, xarici işlər naziri Ararat Mirzoyan, təhsil, elm, mədəniyyət və idman naziri Janna Andreasyan, ərazi idarəetməsi və infrastruktur naziri David Xudatyan, yüksək texnologiyalar sənayesi nazirinin birinci müavini Gevorq Mantaşyan və digər rəsmi şəxslər daxildir.
Qazaxıstanın xarici işlər naziri Yermek Koşerbayev, Baş nazirin müavini və milli iqtisadiyyat naziri Serik Jumangarin, Baş nazirin müavini və süni intellekt və rəqəmsal inkişaf naziri Jaslan Madiyev, Atom Enerjisi Agentliyinin sədri Almasadam Satkaliyev, nəqliyyat naziri Nurlan Sauranbayev və digər rəsmi şəxslərin danışıqlarda iştirakı gözlənilir.
Gündəliyə iki ölkə arasında iqtisadi, siyasi və digər sahələrdə əməkdaşlığın dərinləşdirilməsi, eləcə də regional əməkdaşlığın inkişaf etdirilməsi məsələləri daxildir.
