“Polşada Rusiyanın xeyrinə casusluqda şübhəli bilinən 9 nəfər saxlanılan arasında ruslar yoxdur”.
Azpost.info xəbər verir ki, bunu “Rzeczpospolita” qəzeti məlumatlı mənbəyə istinadən yazıb.
Nəşrin məlumatına görə, saxlanılanların hamısı Ukrayna və Belarus vətəndaşlarıdır.
“Rusiya vətəndaşlığı olanlar dərhal gözə dəyəcəkdi. Yəqin elə buna görə də başqa millətlərin nümayəndələri ələ alınaraq işə götürülüb”, – mənbə bildirib.
Polşa tərəfinin məlumatına görə, şübhəlilər Ukraynaya hərbi yardımın göstərilməsini iflic etmək üçün dəmir yolunda təxribat hazırlayır, strateji obyektlərə kamera yerləşdirirdilər. Bundan başqa, onlar Varşavanın Kiyev və NATO ölkələri ilə münasibətlərini pozmağa yönəlmiş təbliğat işləri aparıblar.
Saxlanılanlardan 6-sı məhkəmə qərarı ilə həbs edilib, daha 3 nəfərlə bağlı araşdırmalar davam etdirilir. Polşa Daxili İşlər Nazirliyinin məlumatına görə, bu şəxslərin Rusiya xüsusi xidmət orqanlarından maaş aldıqlarına dair sübutlar var.
Azpost.info
