ABŞ prezidenti Co Bayden İsrail səfərindən sonra İordaniyaya planlaşdırılan səfərini təxirə salmaq qərarına gəlib.
Bu barədə Ağ Ev sözçüsü tərəfindən yayılan bəyanatında deyilir.
“İordaniya Kralı II Abdullah ilə məsləhətləşmələrdən sonra və Fələstin prezidenti Mahmud Abbasın matəm elan etməsi fonunda prezident Bayden İordaniyaya səfərini və bu iki liderlə və Misir prezidenti Əbdülfəttah əs-Sisi ilə planlaşdırılan görüşünü təxirə salıb” – sənəddə deyilir.
