Prezident İlham Əliyev Novruz bayramı münasibəti ilə siyasi partiya sədrlərini və üzvlərini təbrik edib.
Azpost.info bildirir ki, bu barədə “Haqq-Ədalət” Partiyasının sədri, sabiq səhiyyə naziri Əli İnsanov bildirib.
“Bu gün Prezident Sarayından Novruz Bayramı münasibətilə mənə prezident İlham Əliyevin təbrikini çatdırdılar və mən də bu yüksək diqqətə görə dərin təşəkkürümü bildirdim”-deyə Ə.İnsanov sosial şəbəkədə yazıb.
Partiya sədri də Prezident İlham Əliyevi bayram münasibəti ilə təbrik edib.
“Cənab Prezident ! Novruz Bayramı münasibətilə təbrikiniz mənə çatdırıldı.
Şəxsimə göstərdiyiniz yüksək diqqətinizə görə dərin təşəkkürümü bildirir, xalqımızın qədim bayramı münasibətilə Sizi ürəkdən təbrik edir, möhkəm cansağlığı, ailə xoşbəxtliyi, vətənimizin tərəqqisi və xalqımızın yüksək rifahı uğrunda görəcəyiniz bütün işlərinizdə böyük uğurlar arzulayıram.
Cənab Prezident ! Sizinlə görüşə hazır olduğumu bir daha yüksək diqqətinizə çatdırıram”-deyə Ə.İnsanov yazıb.
