Prezident NATO Baş katibinin xüsusi nümayəndəsini qəbul edib –YENİLƏNİB

Azərbaycan Respublikasının Prezidenti İlham Əliyev aprelin 28-də NATO Baş katibinin Qafqaz və Mərkəzi Asiya üzrə xüsusi nümayəndəsi Xavyer Kolominanı qəbul edib.

Bu barədə Prezidentin Mətbuat Xidməti məlumat yayıb.

Xavyer Kolomina NATO-nun Baş katibi Yens Stoltenberqin salamlarını dövlət başçısına çatdırıb.

Prezident İlham Əliyev salamlara görə minnətdarlığını bildirib, onun da salamlarını Yens Stoltenberqə çatdırmağı xahiş edib.

Görüşdə dövlət başçısının ötən ilin sonunda NATO-nun mənzil-qərargahına səfəri və səfər çərçivəsində Baş katiblə görüşü, həmçinin Şimali Atlantika Şurasının iclasında çıxışı xatırlanıb. Eyni zamanda, NATO-nun Əfqanıstandakı Qətiyyətli Dəstək missiyasında ölkəmizin iştirakı qeyd edilib.

Söhbət zamanı postmünaqişə dövründə Azərbaycanla Ermənistan arasında münasibətlərin normallaşdırılması prosesi, enerji təhlükəsizliyi, regional təhlükəsizlik ilə bağlı məsələlər və Azərbaycan-NATO əməkdaşlığının perspektivləri ətrafında fikir mübadiləsi aparılıb.

Əvvəlki məqalə

Putin Ərdoğanla Ukraynadakı vəziyyəti müzakirə edib

Sonrakı məqalə

“NATO Ukraynaya 8 milyard dollarlıq hərbi dəstək verib” –