Gürcüstan prezidenti Salome Zurabişvili Tbilisidə hökumət əleyhinə keçirilən aksiyalara qatılıb.
AzPost xəbər verir ki, dövlət başçısı administrasiyasının üzvləri ilə birlikdə Saarbrüken meydanındakı körpüyə gedərək etirazçılara qoşulub.
Qeyd edək ki, bir neçə saatdır Tbilisidə hökumət əleyhinə növbəti etiraz aksiyası keçirilir. Etirazçılar bu dəfə Kür çayı üzərindəki körpülərdə dayanaraq nümayiş keçirir. Onlar yolları bağlamır, maşınlar sərbəst hərəkət edir.
Xatırladaq ki, Zurabişvili dekabrın 29-da dövlət başçısının səlahiyyətləri başa çatdıqdan sonra mandatını təhvil verməyəcəyini açıqlayıb. O, yeni parlament seçkiləri keçirilməyənə qədər istefa verməyəcəyini vurğulayıb. Zurabişvili həmçinin Avropa İttifaqını etirazçıları dəstəkləməyə çağırıb, “Gürcü Arzusu” ilə təmasların olmadığını bəyan edib.
