Həkimlər
Almaniyanın Göteborq Universitetinin alimləri müəyyən ediblər ki, yüksək gəliri olan insanların insultdan ölüm riski gəlirləri az olan insanlarla müqayisədə 32 faiz azdır.
Azpost.info bildirir ki, bu məlumatlar İsveçrədə keçiriləcək Avropa İnsult Konfransında (ESOC 2024) təqdim olunacaq.
Son araşdırmada Göteborqdakı Sahlgrenska Universitet Xəstəxanasında 6900-dən çox insult xəstəsinin məlumatlarını təhlil edilib. Tədqiqatın məqsədi müxtəlif sosial amillərlə insultdan sağ qalma ehtimalı arasındakı əlaqəni müəyyən etmək olub.
Tədqiqat dörd əsas aspektə diqqət yetirib: yaşayış yeri, doğulduğu yer, təhsil səviyyəsi və maliyyə imkanı. Əlverişsiz amillər sırasında sosial cəhətdən əlverişsiz ərazilərdə yaşamaq, Avropadan kənarda doğulmaq, təhsil və gəlir səviyyəsinin aşağı olması qeyd edilib.
Nəticələr göstərib ki, bir əlverişsiz amilin mövcudluğu insultdan ölüm riskini 18%, iki-dörd faktorun olması isə 24% artırıb.
Gəlirləri yüksək olanların, aşağı gəlirləri olanlarla müqayisədə insultdan sağ qalma ehtimalı 32 faiz daha çoxdur.
Əlavə təhlillər insultdan ölüm riskinin artması ilə idman etməmə, diabet, alkoqoldan sui-istifadə kimi həyat tərzi faktorları arasında əlaqəni də müəyyən edib.
