“Prezident Vladimir Putinin rəhbərlik etdiyi Rusiya hakimiyyəti bütün ukraynalılara nifrət bəsləyir”.
Azpost.info xəbər verir ki, bunu “Amnesty International” hüquq müdafiə təşkilatının baş katibi Aqnes Kallamar deyib.
“Putin və digər Rusiya liderlərinin Ukrayna xalqına necə məhəl qoymadıqlarını və nifrət etdiklərini göstərən bəyanatlar, şərhlər və çıxışlar var. Ukrayna yoxmuş kimi danışırlar”, – Kallamar bildirib.
Onun sözlərinə görə, bu bəyanatlar ukraynalıların soyqırımı məsələsinə baxılarkən nəzərə alınacaq: “Bu müharibədə istifadə edilən zorakılıq Rusiya rəhbərliyinin yaratdığı zehniyyətə əsaslanır. Zorakılıq hərəkət tərzinə çevrilir, buna göz yumurlar və bəzən hətta onu tərifləyirlər. Nəzarət yoxdur və bu, zorakı davranış üçün şərait yaradır. Bu, cəzasızlıq rejimidir”.
Baş katib bildirib ki, Rusiya qoşunlarının komandanlığının əsgərlərdən işgəncə və öldürmə tələb etməsinə dair əllərində heç bir sübut yoxdur: “Lakin sübutlar var ki, rəhbərlik bu cinayətləri dayandırmır. Ona görə də onlar dönə-dönə təkrarlanır”.
Aqnes Kallamarın sözlərinə görə, bu müharibədə “Amnesty International”ın vəzifəsi Rusiya qoşunlarının Ukraynada törətdiyi cinayətlərin miqyası və növləri barədə dünyaya məlumat verməkdir: “Biz göstərmək istəyirik ki, Rusiyanın təcavüzü təkcə Ukrayna, Avropa və NATO deyil. bütün dünya üçün problemdir”.
Azpost.info
