Vladimir Putinin müharibə üçün kifayət qədər əsgəri yoxdur. Son üç ayın itkiləri səfərbərlik məsələsini yenidən gündəmə gətirir.
Azpost.info xəbər verir ki, bu barədə “Bloomberg” yazıb.
“Mövcud vəziyyət hakimiyyəti yeni səfərbərlik barədə düşünməyə məcbur edə bilər”, – “Bloomberg” mənbələri deyirlər.
Onlardan birinə görə, səfərbərliyi cəbhədəki bölmələrin rotasiyasının zəruriliyi ilə izah etmək olar. Başqa biri deyir ki, səfərbərlik bu ilin sonunda elan edilə bilər.
Britaniya hərbi kəşfiyyatının bir sıra qiymətləndirmələri və z-bloggerlərinin hesabatları Rusiya qoşunlarının Donetsk bölgəsində irəliləyişinin və Xarkov bölgəsində mövcudluğunu genişləndirməyə çalışmasının inanılmaz baha başa gəldiyi barədə rəy yaradır.
“May-iyun aylarında ordu ayda 35.000 əsgər itirirdi, avqustda isə proqnozlara görə, itkilər yenidən gündə 1000 nəfəri keçəcək. Yəni dörd ay ərzində onlar təxminən 140 min nəfərə çata bilər”, – kəşfiyyat bildirir.
Azpost.info
